Arianna është një vajzë e re shqiptare që shquhet për talentin e saj. Ajo ka lindur dhe është rritur në Westchester, New York, e rrethuar nga familja dhe kultura shqiptare. Që në moshë të re, Arianna ka treguar një dashuri për të mësuar dhe një kurreshtje të pangopur për botën përreth saj.
Arianna është maturante në shkollën e mesme në Akademinë Dominikane në Manhattan, New York, ku shkëlqen si në studime, poashtu edhe aktivitetet e saj jashtëshkollore. Si anëtare e Shoqatës Kombëtare të Nderit dhe Presidente e Shoqatës Para-Mjekësore në shkollën e saj të mesme, Arianna ka demonstruar një përkushtim të fortë ndaj përsosmërisë akademike dhe një pasion për shkencën dhe mjekësinë.
Përveç mësimeve, Arianna është gjithashtu një sportiste dhe artiste e suksesshme. Si kryeredaktore e librit vjetor të shkollës së saj të mesme, anëtare e ekipit të Cross County dhe valltare për më shumë se një dekadë, Arianna ka zhvilluar aftësi dhe interesae të rrumbullakosura mirë. Ajo është veçanërisht e apasionuar pas valles tradicionale dhe moderne shqiptare, prandaj edhe në rrjetet sociale kanë filluar ta quajnë “Marigoja e ditëve tona”, sipas vajzës e cila qëndisi flamurin e Pavarësisë, transmeton Lideri.mk.
Pasioni i Arianna-s për kërcimin është i rrënjosur thellë në trashëgiminë e saj shqiptare. Ajo ka eksploruar vallen tradicionale shqiptare që kur ishte fëmijë dhe ka zhvilluar një vlerësim të thellë për trashëgiminë e pasur kulturore të të parëve të saj. Si anëtare e Shoqatës “Rozafati”, nën drejtimin e Angjelina Nikës, Arianna ndihet shumë krenare që përfaqëson trashëgiminë e saj përmes performancave personale.
Përkushtimi i Arianna-s ndaj komunitetit të saj është i dukshëm në punën e saj vullnetare në Kishën Zoja e Shkodrës, ku ajo ndihmon me programin Katekist për nxënësit e klasave fillore. Përvoja e saj e punës përfshin shërbimin si asistente zyre e një patologe të të folurit dhe gjuhës për disa vite, si dhe asistencën në biznesin e familjes së saj gjatë muajve të verës.
Duke folur për të ardhmen, Arianna planifikon të ndjekë një Bachelor të Shkencave me një diplomë në Biologji, por edhe dhe një kurs në Menaxhim Biznesi. Duke poseduar një larmi të aftësive dhe përvojave, Arianna me siguri do të ketë në të ardhmen një ndikim pozitiv në komunitetin e saj dhe botën përreth saj.
Foto dhe artikull nga Albanian Heritage.
(Përktheu Lideri.mk)
