Ka ndërruar jetë Erkan Qahili-Eko nga Shkupi, delegat i basketbollit në RMV

Federata e Basketbollit të Maqedonisë dha një lajm të hidhur. Ka ndërruar jetë papritur Erkan Qahili – Eko, delegat i basketbollit në garat e seniorëve dhe të rinjve.

Adhuruesi i madh i sportit do të mbahet mend si një njeri i përulur, i qetë dhe i mirë, me një zemër të madhe dhe respektin që kishte për njerëzit.

“Kemi humbur një njeri modest, të qetë dhe të mirë, me një zemër në të cilën kishte vendin për të gjithë njerëzit. I shprehim ngushëllimet më të thella familjes, miqve dhe kolegëve, u preftë në paqe qoftë i përjetshëm kujtimi për të…”, njoftoi komisioni i arbitrave të Federatës së Basketbollit.