“Jugohromi” do të rifillon me punë, alarmohen ambientalistët

Të premten është regjistruar edhe zyrtarisht vendimi i Gjykatës së Tetovës për miratimin e planit të riorganizimit të fabrikës Jugohrom nga Jegunovca, e cila tani nuk është më kompani e falimentuar.

Procedura e falimentimit përmbyllet me vendim dhe kompania e sapoformuar me plan riorganizimi të miratuar do të vazhdojë të operojë nën pronësinë e “Poisil Financial Corp” nga Ishujt e Virgjër. Me planin e miratuar duhet të shlyhen të gjitha obligimet ndaj kreditorëve dhe me tërë pronën do të menaxhojë drejtori teknik i mëparshëm Slavko Stojçeski.

Në fund të vitit 2016, uzina metalurgjike me 800 punonjës mbylli furrat për shkrirjen e ferrosilicit, pas vendimit të Inspektoriatit Shtetëror të Mjedisit, transmeton Lideri.mk. Në vitin 2014, “Jugohromit” iu caktua një periudhë dyvjeçare gjatë së cilës duhej të vendoste filtra për pastrimin e pluhurit të gazrave që rezultojnë nga procesi i shkrirjes së xehes. Më pas u shfaqën probleme gjatë përgatitjes së dokumentacionit teknik për filtrat, transmeton Lideri.mk.

Zhivko Kalkov, administratori i falimentimit, i cili do të duhet të mbikëqyrë riorganizimin, thotë se në planin e ri pranohet që investitori të paguajë kupolën e porositur nga FAKOM për pastrimin e furrave, si dhe të sigurojë riparimet e nevojshme përgatitore dhe rindërtimin e asaj pjese.

– Këto janë fondet fillestare që uzina të funksionojë. Duhet të paguhen edhe 1.5 paga për punonjësit. Në 18 muajt e ardhshëm është planifikuar të përfundojë faza e parë e rifillimit dhe ndezja e furrave më të reja, përkatësisht “7” dhe “8”. Ristartimi do të bëhet me 328 punëtorë dhe kur të përfundojnë të tri fazat e rifillimit, numri i tyre do të jetë 500”, thotë Kalkov.

Ai shprehet i bindur se do të përfundojë instalimi i stacioneve të filtrimit për pastrimin e gazrave të shkarkimit nga prodhimi i fabrikës, e cila prodhon ferrosilicon, aliazh që përdoret kryesisht si lëndë e parë në industrinë e çelikut. Kalkov thotë se pjesa më e vështirë do të jetë marrja e lejes mjedisore nga Ministria e Mjedisit per çka veçmë është biseduar me ministren, Kaja Shukova.

– Për 36 muaj, gjegjësisht në vitin 2026, procesi i kthimit në punë duhet të përfundojë plotësisht me shfrytëzim maksimal prej 65 për qind të kapacitetit, dhe prodhimi të jetë 42 mijë tonë në vit, shton Kalkov dhe thotë se “Yugochrom” ka 42. hektarë tokë të vet dhe se plani parashikon ndërtimin e një impianti fotovoltaik.

Investitoori ka 18 milionë euro për ndërtimin e një impianti fotoelektrik 30 megavat, i cili do të jetë burimi i tij ndihmës i energjisë dhe 6.5 milionë euro janë planifikuar për riparime në të gjithë fabrikën.

– Energjia elektrike e fotocentralit do të fillojë të përdoret kur ndërtimi i tij të arrijë në 10 megavat, pohon Kalkov dhe shton se nuk e di se nga vjen ndërtuesi, por se ai është i vetëm i ngarkuar me zbatimin e rifillimit.

“Jugohrom” para mbylljes merrte pjesë në totalin e bruto-produktit vendor me një për qind, kurse nga i gjithë eksporti i Maqedonisë nga industria e përpunimit të metaleve, 7 për qind në strukturë merrte pjesë në legurat e kombinatit.

Fabrika ka edhe një stacion pastrimi për uljen e ndotjes me krom gjashtëvalent, i cili edhe në rast falimentimi duhet të funksionojë nën kontrollin e Ministrisë së Mjedisit.

Ky informacion ka alarmuar ambientalistët në Tetovë e më gjerë për shkak të ndotjes së madhe që ky kombinat ia shkaktonte ajrit në tërë rajonin e Pollogut. Ata me vemendje do të përcjellin procedurat e ristartimit dhe nëse do të respektohen vertete standardet ekologjike. /Lideri.mk