Izet Mexhiti: VV de fakto pjesë e listave zgjedhore të Lidhjes, Albin Kurtin e duan shqiptarët për mënyrën si lufton korrupsionin

Kryetari i Lëvizjes Demokratike, Izet Mexhiti, i ftuar sonte në Kanal 5, ka konfirmuar pjesëmarrjen de fakto të Vetëvendosjes në zgjedhjet e 8 majit me opozitën shqiptare gjegjësisht se anëtarë të Lëvizjes së Albin Kurtit do të jenë pjesë e listave zgjedhore të Lidhjes Europiane për Ndryshim. Mexhiti gjithashtu përkujtoi se Albin Kurti si lider rajonal gëzon një rejting të lartë për mënyrën se si lufton korrupsionin, për funksionimin e shtetit të së drejtës andaj ka fituar edhe simpatinë e shqipatrëve tek ne.

“Vetëvendosje de jure nuk do të jetë pjesëmarrëse në zgjedhje, por de fakto po sepse anëtarë të saj do të jenë në listat zgjedhore siç është Bekim Qoku strugan dhe që ka qenë deputetë në parlamentin e RMV në kohën e PDSH dhe tani do të marrë pjesë e listën zgjedhore pra si pjesë e Lidhjes Europiane për Ndryshim”, ka thënë Mexhiti mes tjerash.