Inatet politike i lënë banorët e Studeniçanit në “baltë”

Banorët e rrugës 5 të Studeniçanit shprehen të revoltuar ndaj kreut të komunës, Azem Sadiku për shkak të mos asfaltimit të kësaj rruge tashmë shtatë vjet. Siç thanë banorët, zvarritja e rikonstruimit të saj bëhet për inate dhe mosmarrveshje politike.

“Kjo është vetëm punë inati se ai I ka bë edhe mini rrugët më asphalt, a kjo rruga ma kryesore që ka biznese e maune, me inat nuk e ka ndërtu këtë rrugë”, tha një banor.

“Në nëntor të 2017 kjo rrugë filloi të prishet nga kubëzat e betonit që ishin vendosur nga kryetari I mëparshëm. Pastaj e prishi për të vendos një asfaltim mirëpo në atë kohë asfaltimin deshi ta vendos pa kanalizim dhe ujsjellës. Edhe atëherë u grumbulluam për ta njoftu kryetarin se nuk kemi kanalizim dhe ujsjellës, nga ajo pengesëe e deri më sot, shtatë vite më vonë kjo rrugë ka ngel nën mëshirën e Zotit”, u shpreh një tjetër banor.

Banorët ankohen për ndotje të shtëpive nga pluhuri dhe përmbytjet për shkak të rrugës së gërryer. Ata paralajmërojnë protesta me bllokim të rrugëve në rast se komuna do të vazhdoj të shpërfill kërkesat e tyre.

“Prej tre makinave, më së paku në muaj shpenzoj 200 euro, prej këtyre gurve dhe gropave. Na mbyti pluhuri. Edhe ne si mëhallë kemi vendos se me kaq nuk do e lëmë. Nëqoftëse duhet do ta bllokojmë rrugën kryesorr e kështu nuk e lëmë”, theksoi një banor.

“Pluhur shumë i madh bëhet. Kur bie shi, kanë mbet disa puseta të kanalizimit shumë lart. Kërkojmë që kryetari ta bëj më shpejt, nëqoftëse e ka ndërmend ta bën mos ta lë dita ditës. A ka qëllime politike a çka ka nuk e di, duhet ta bëj më shpejt se është shumë keq për makinat, për fëmijët, për jetën që jetojmë”, tha një tjetër banor.

Rikonstruimi i rrugës 5 në fshatin Studeniçan, sipas banorëve, ka nisur në vitin 2017. Për këtë çështje kërkuam qëndrim edhe nga Komuna. Nga atje thanë se nuk mund të japin asnjë sqarim për shkak të mungesës së kreut të komunës i cili është në udhëtim zyrtar në Turqi. /Alsat/