Prej ditës së sotme ka hyrë në fuqi zbatimi i marrëveshjes për lëvizjen me procedurë të përshpejtuar në pikën e kalimit kufitar të Morinës.
Për 9 muaj, nga 1 maj deri më 30 janar të vitit të ardhshëm, qytetarët e Kosovës dhe të Shqipërisë do ta kalojnë kufirin pa paraqitur dokumentet e identifikimit.
Më herët kjo lëvizja pa procedurë ishte vetëm gjatë 3 muajve të verës.
Qytetarët e Kosovës thonë se zbatimi i marrëveshjes do të shmangë trafikun në Morinë, sidomos gjatë muajve të verës.
Vetëm në orët e para të kësaj të mërkurë, nga Kosova kanë hyrë në Shqipëri rreth 5 mijë qytetarë me 3 mijë mjete të vogla e dhjetëra autobusë.
