Grubi sjell dy lajme të mira: Investim 270 milionë euro në Shtip, 63 milionë euro në Dellçevë

Qeveria e Maqedonisë së Veriut në mbledhjen e fundit ka dhënë dritë jeshile për dy projekte të mëdha. Njëri është projekt në vlerë 270 milionë euro për prodhim ekologjik të energjisë elektrike (me panelë), që do të ndërtohet në Shtip, në vendin ku ishte paraparë të ndërtohet një aeroport nga kompania TAV.

Tjetri në vlerë prej 63 milionë denarëve është paraparë të ndërtohet në Dellçevë.

Pasi bëhet fjalë për projekte nga “Agjenda e Blertë” meret vesh se ato do të promovohen nga zëvendës kryeministri i parë Artan Grubi, si ideolog i agjendës së blertë parazgjedhore.

Shpresojmë se në paraqitjen e tij Grubi do të sqarojë se pse votat për Agjendën e Blertë u kërkuan prej shqiptarëve, kurse projektet e kësaj agjende shkojnë vetëm te komunat me shumicë maqedonase, si Kriva Pallanka, Sveti Nikola, Shtipi, Dellçeva,…