Gazeta izraelite Haaretz raportoi se një helikopter ushtarak izraelit që kishte hapur zjarr ndaj personave të armatosur palestinezë, po ashtu kishte qëlluar mbi pjesëmarrësit në një festival gjatë sulmit të 7 tetorit kundër Izraelit.
Gazeta Haaretz raporton se ky pretendim bazohej në një hetim nga policia me anëtarët e Hamasit, të cilët u arrestuan më 7 tetor.
Haaretz raportoi se helikopteri ushtarak mbërriti në vendin e festivalit dhe hapi zjarr ndaj personave të armatosur, por gjithashtu qëlloi disa pjesëmarrës të festivalit.
Sipas hetimit, Hamasi nuk kishte informacion paraprak për festivalin që mbahej afër Kibbutz Re’im, afër kufirit me Gazën.
Gazeta izraelite Yedioth Ahronoth botoi gjithashtu një raport për helikopterët e Forcave Ajrore izraelite që ndërhynin në sulmin e kryer nga Hamasi nga Gaza më 7 tetor.
Gazeta raportoi se forcat izraelite “e kishin të vështirë të identifikonin militantët e Hamasit”, duke shtuar se pilotët e helikopterëve “përdorën artileri” kundër civilëve në festival.
“Anëtarët e Hamasit u udhëzuan që të përziheshin ngadalë me turmën dhe të mos lëviznin në asnjë rrethanë”, tha gazeta në raportin e saj.
“Në këtë mënyrë, ata u përpoqën të mashtronin forcat ajrore duke besuar se ata që ishin poshtë ishin izraelitë. Ky mashtrim funksionoi për një kohë, derisa helikopterët Apache u desh të çliroheshin nga të gjitha kufizimet. Pilotët e kishin të vështirë të dallonin se kush ishte sulmues dhe kush qytetar”, shtoi raporti.
Gazeta tha se “kur e kuptuan këtë, disa prej tyre vendosën të përdorin predha artilerie kundër terroristëve në mënyrë të pavarur, pa marrë leje nga eprorët e tyre”.
Policia vlerësoi se numri i të vrarëve në festival ishte 364, por nuk bëri të ditur identitetin e tyre.
Detajet e hetimit janë në kundërshtim me narrativën zyrtare izraelite mbi sulmin nga grupi i rezistencës palestineze, i cili pretendonte se persona të armatosur të Hamasit masakruan të ftuarit në festival.
Qindra luftëtarë të Hamasit kaluan në Izrael në një operacion të papritur të quajtur “Përmbytja e Al-Aksa”, duke shkaktuar një sulm të përgjakshëm hakmarrës izraelit në Rripin e Gazës.
