Falemnderit Ali Ahmeti që thirre dibranët të votojnë perëndimin dhe Bekim Pocestën!

Shkruan: Musa Paçuku, New York

Ali Ahmeti i ftoi dibranët që të votojnë doktor Bekim Pocestën për kryetar komune. Do mendoni se po bëj shaka, por nuk është ashtu. Ali Ahmeti shumë gjëra i ka gabuar në karrierën e tij politike, por sot e tha një të vërtetë- se dibranët janë me perëndimin dhe progresin.
Dibranët për shkak se janë me perëndimin, të dielën do ta votojnë ndryshimin.

Vetëm në vende lindore si Rusia, Bjellorusia, Kina, Korea e Veriut, dikaturat zgjasin 20 vite. Vetëm në këto vende kidnapohen deputetët kur duan të votojnë kundër ndryshimit. Në vendet e perëndimit funksionon sistemi demokratik, ku bëhen ndryshime, ashtu siç do të bëjë Dibra ime ditën e diel.