Kryeministri i Kosovës, Albin Kurti, para gati dy javëve ka njoftuar për blerjen e dronëve Bayraktar TB-2 nga Turqia, por nuk ka treguar për numrin e tyre.
Me blerjen e dronëve, Kurti ka vlerësuar se Kosova tash është edhe më e sigurt.
Ai të dielën ka përgëzuar oficerët të cilët kanë kryer trajnimin për përdorimin e dronëve.
“Arsenalit të ushtrisë sonë i kemi shtuar edhe dronë Bayraktar TB-2 të cilët i kemi blerë si Qeveri nga Turqia! Në dy vjet qeverisje e kemi shtuar për mbi 80% numrin e ushtarëve dhe mbi 100% buxhetin për ushtrinë. Kosova tash është edhe më e sigurt përveçse gjithnjë krenare! Me Komandantin e FSK-së gjenerallejtnant Bashkim Jashari dhe Ministrin e Mbrojtjes Armend Mehaj përgëzuam oficerët që e kanë kryer trajnimin për përdorimin e dronëve”, ka shkruar Kurti në Facebook.
Blerja e dronëve Bayraktar nga Kosova është diskutuar që nga fundi i vitit të kaluar.
Serbia e pati paralajmëruar Turqinë se nëse i shet Kosovës dronët Bayraktar do të ndikonte në marrëdhëniet mes të dy shteteve.
Blerja e këtyre dronëve është mirëpritur nga mbarë opinioni në Kosovë, por me gezim edhe më të madh nga diaspora.
“Kësaj i thonë era shtet”, ka deklaruar një mergimtar për Lideri.mk, i intervistuar të enjten në aeroportin “Adem Jashari” në Prishtinë, sapo kishte arritur nga Zbicra.
“Tash po bindemi që ia ka vle kontributi ynë që kemi dhënë në Fondin e sigurisë për të ndihmuar ushtrinë e Kosovës”, ka thënë një familjar i tij.
Ndryshe Fondi i Sigurisë u themelua më 1 mars të vitit të kaluar, kurse donacionet e para u derdhën më 2 mars, sapo u publikua xhirollogaria e Fondit./Lideri.mk
