Erërat e forta që janë paraqitur këtë pasdite në Tetovë, kanë shkaktuar dëmet e para, transmeton TV21.
Si pasojë, një billbord që gjendet në pjesën kryesore të qytetit, ka rënë në tokë.
Nuk raportohet për dëme në njerëz.
Nga ana tjetër, Komuna e Tetovës ka apeluar deri te tetovarët që t’i shmangin daljet dhe të reduktojnë lëvizjet me vetura.
Paraqiten erëra të forta, Komuna e Tetovës me apel deri te tetovarët!
Për shkak të paraqitjes së erërave të forta, Komuna e Tetovës ka dalë me një thirrje deri te tetovarët, transmeton TV21.
Kërkon nga ata që t’i shmangin daljet dhe të reduktojnë lëvizjet me vetura, shkaku i parandalimit të dëmtimeve të mundshme.
“❗️ Komuna e Tetovës apelon deri te qytetarët që të shmangin daljet për shkak të erës së fortë që ka filluar në qytetin e Tetovës. Qëndroni në shtëpitë e juaja që të mos kemi pasoja. Po ashtu edhe drejtuesit e veturave duhet të reduktojnë lëvizjet dhe të jenë më të kujdesshëm.
Bëjmë thirrje qytetarëve që të jenë të kujdesshëm deri sa të stabilizohet moti!”, thuhet në thirrjen e Komunës së Tetovës.
