Logo
Lajme
Zgjedhjet
Kosovë
Botë
Sport
Eksperti
Futboll
Magazina
Cult
Ekonomi
Femra
Stili
Shëndetësi
Kuzhina
Auto
Teknologji
Fun
Telegrafi Jobs
Arkiva
Marketing
Erdh Telegrafi Deals
Më të rejat nga sporti
Më të lexuarat nga rubrika rozë
Lajmi nga vendi dhe bota
COVID-19 në Kosovë dhe botë
Për një shëndet më të mirë
Për ju adhurues të veturave
Femra, stil dhe trende
Të rejat nga Teknologjia
BOTË / EVROPA
Emigranti sirian shpresonte për një jetë më të mirë, por u varros në një pyll fushor në Bjellorusi
6 min
Ahmad Al-Hasan, një 19-vjeçar sirian, u varros në Poloninë lindore, jo shumë larg kufirit me Bjellorusinë. Në funeralin, i cili u zhvillua gjatë mbrëmjes, morën pjesë disa anëtarë të komunitetit lokal mysliman, por jo anëtarë të familjes së tij të ngushtë.
Për shkak të rrethanave në të cilat u krye, ceremonia nuk i ngjante një funerali mysliman. Shpenzimet janë paguar nga komuniteti lokal, me shpjegimin se ishte detyrë e tyre.
Trupi i Ahmadit u gjet nga policia polake të shtunën dhe u tha se ai u mbyt në lumin Bug, i cili ndan Poloninë nga Bjellorusia. Përveç Ahmedit, kjo krizë emigrantësh besohet se ka shkaktuar të paktën 11 persona viktima.
Kujtojmë se gjatë verës është rritur fluksi i refugjatëve nga Lindja e Mesme dhe Afrika që po tentojnë të arrijnë në Evropën Perëndimore në kufirin mes Bjellorusisë dhe Polonisë. Situata u përshkallëzua më 8 nëntor, kur më shumë se 2000 njerëz u mblodhën në barrierat e kufirit polak.
Që atëherë, janë bërë disa përpjekje për të thyer kufirin, të cilave forcat polake të sigurisë iu përgjigjën duke gjuajtur gaz lotsjellës dhe arrestuar shumicën e atyre që kaluan kufirin. Pas kësaj, emigrantët vendosën spontanisht kampin pranë postbllokut të Bruzgit në rajonin e Grodno.
Ndryshe, të hënën në mbëmje, rreth 3500 refugjatë u zhvendosën nga kampi drejt “vijës kufitare”.
