Cili kandidat do të fiton në diasporë, Taravari apo Osmani?

Diaspora nesër do të votoj për raundin e parë të zgjedhjeve presidenciale. Sipas të dhënave të KSHZ-së, 2571 qytetarë që jetojnë dhe veprojnë jashtë vendit janë paraqitur për të shfrytëzuar të drejtën e votimit. Nesër 191 anëtarë të deleguar nga KSHZ do të realizojnë procesin e votimit jashtë vendit nëpër përfaqësitë diplomatike dhe konsullore të Maqedonisë së Veriut.

Në diasporë, nesër nga ora 7 deri në 19 do të votohet në Abu Dhabi ku janë regjistruar 26 votues, në Beograd 31, Berlin 260, Bernë 186, Bon 164, Bruksel 93, Uashington 34, Venecia. – 79, Vjenë – 123, Detroit-34, Zagreb-87, Kanberra-31, Kopenhagë-74, Londër-87, Lubjanë-332, Mynih-166, Melburn-64, Nju Jork-85, Oslo-41, Paris- 44, Pragë-52, Roma-30, Stokholm-85, Toronto-117, Hagë-65, Çikago-88, Ankara-18, Varshavë-23, Madrid-18, Pekin-12 dhe Sofje 22.

Parashtrohet pyetja se cili kandidat doo të shënojë nesër fitoren e parë, mes mërgimtarëve. Arben Taravari ose Bujar Osmani, sepse duke pasur parasysh listën e qyteteve ku janë paraqitur të votojnë mërgimtarët, lehtë mund të konstatojmë se shumica e tyre janë shqiptarë. Përveç pyetjes se cili do të shënon fitoren e parë në raundin e parë, në votimet e nesërme në diasporë, parashtrohhet edhe pyetja nëse votat e diasporës do të jenë edhe lajmëtar i fitores përfundimtare në kampin politik shqiptar, shkruan Zhurnal.

Megjithatë, diaspora nuk do e thotë fjalën e vetë të fundit nesër, sepse shumë mërgimtarë veçmë janë nisur për në vendlindje, për të votuar drejtpërdrejtë këtu më 24 prill. Kështu që prej tani mund të themi se roli i diasporës do të jetë shumë i madh në vendimin për fituesin përfundimtar tek shqiptrët në këto zgjedhje.
Të drejtën e votës në vendvotimet në vend mund ta ushtrojnë edhe shtetasit e tjerë të Maqedonisë që jetojnë jashtë vendit, sipas adresës në dokumentet e tyre personale. Megjithatë nuk dihet se a do të jetë ky fluks i paraqitur, për shkak se në të gjitha vendet e martja është ditë pune.

Votuesit në zgjedhjet e shtatë presidenciale do të mund të zgjedhin një nga shtatë kandidatët për president – pesë burra dhe dy gra. Kandidatët janë presidenti aktual Stevo Pendarovski i mbështetur nga LSDM dhe koalicioni, Gordana Siljanovska Davkova nga VMRO-DPMNE, Biljana Vakovska e mbështetur nga e majta, Maksim Dimitrievski – Lëvizja ZNAM, Stevço Jakimovska – GROM, Arben Taravari nga Koalicioni “Vredial”. Osmani i përkrahur nga fronti evropian.