Edhe pse diaspora nga Maqedonia e Veriut në Zvicër ëdshtë gati 100 për qind shqiptare, kjo si duket nuk i bën shumë përshtypje ministrit të punëve të jashtme, Bujar Osmani. Në një takim në qytetin Sion të Zvicrës, ai i është drejtuar diasporës fillimisht në gjuhën maqedonase, e pastaj në gjuhën shqipe, thonë për gazetën Lajm disa shqiptarë prezentë, por që janë larguar nga takimi në shenjë revolte.
Ata thonë se Osmani nuk ka treguar fare respekt ndaj tyre, sepse në tavolin ka vendosur vetëm flamurin maqedonas, duke mos e parë të nevojshme të vendosë edhe flamurin kuq e zi.
Habia e tyre është e madhe se si një shqiptar nga Shkupi ka rënë aq shumë nën ndikim të maqedonasve.
Bujar Osmani ka publikuar në facebook vetëm pjesën e fjalimit në gjuhën shqipe, por duke konfirmuar se është drejtuar edhe maqedonisht.
Bujar Osmani revolton diasporën e Zvicrës, i takon vetëm me flamur maqedonas, pa flamurin kuq e zi! (Video)
