Bujar Osmani dhe Arben Taravari dënojnë arrestimin e gazetarit Furkan Saliu, bëjnë apel për lirimin e tij

Dy kandidatet për president, Bujar Osmani dhe Arben Taravari kanë reaguar në lidhje me arrestimin e gazetarit Furkan Saliu.

Osmani në faqen e tij në Facebook shkruan:

Dënoj veprimin e sotëm ndaj gazetarit Furkan Saliu dhe kërkoj lirimin e menjëhershëm të tij. Liria e shprehjes është kryefjala e çdo shoqërie demokratike!

Teksa Taravari shkruan:

“Dënoj arrestimin e gazetarit Furkan Saliu.

Arrestimi i tij sipas të gjitha dëshmive është kryer në kushte të zbatimit të profesionit të tij.
Duke kërkuar lirimin e gazetarit Furkan Saliu dhe zbardhjen sa më të shpejtë të rastit, kujtoj edhe një thënie të Lekë Dukagjinit:
Lajmësi Nuk Ka Faj Për Lajmin Që Jep!
Mos dënoni Lajmëtarin por Lajmin!”. /TvKlan.mk