Aksident trafiku në Shkup, lëndohen dy persona

Ministria për Punë të Brendshme (MPB) njofton se gjatë ditës së djeshme në rrugën “Ferid Bajram” në lagjen Çair të Shkupit ka ndodhur një aksident me ç’rast është goditur edhe një këmbësor.

Nga MPB thonë se në aksident janë përfshirë dy automjete me drejtues 30-vjeçar dhe gruaja që është gjetur në vendngjarje është 65 vjeç. Në aksident ajo ka marrë lëndime të rënda trupore, të konstatuara në Spitalin e Përgjithshëm të qytetit “Shën Naum i Ohrit”.

Një pasagjer 19-vjeçar në një prej automjeteve ka mbetur i lënduar lehtë.