Kapet një 30-vjeçare nga Rusia në autostradën Tetovë-Gostivar

SPB Tetovë njofton se policia ka ndaluar një shtetase ruse në autostradën Tetovë-Gostivar për shkak se nuk posedonte dokumente të udhëtimit.

“Më datë 31.07.2024 në ora 17:50, zyrtarët policorë nga SPB-Tetovë në autostradën Tetovë-Gostivar, në pikën e pagesave rrugore, kanë arrestuar D.V (30) nga Rusia, e cila nuk kishte dokumente dhe udhëtonte me një Minibus “Mercedes” me targa të Strugës.

Ajo është ndaluar në Komisariat për veprime të mëtejshme”, thuhet në njoftimin e SPB Tetovë./Telegrafi/