Kryetari i Kuvendit Afrim Gashi sot realizoi takim përshëndetës me ambasadorin e Bashkimit Evropian, Dejvid Gir, të cilit i mbaron mandati në vend. Në takim, kumtoi shërbimi për shtyp i Kuvendit, ka marrë pjesë edhe sekretarja e përgjithshme e Kuvendit, Marina Dimovska.
“Bashkëbiseduesit këmbyen mendime për arritjet e Maqedonisë së Veriut në kuadër të procesit për integrim në BE, si dhe për hapat që duhet të ndërmerren në periudhën e ardhshme, në drejtim të plotësimit të kritereve për anëtarsim të plotfuqishëm. Kryeparlamentari Gashi u falënderua për kontributin e ambasadorit Gir në këtë proces dhe për bashkëpunimin gjatë mandatit të tij, të cilën e vlerësoi si të rëndësishme dhe produktive”, thuhet në kumtesë.
Ambasadori Gir e përshëndeti qasjen aktive e Gashit në periudhën e kaluar, siç tha, të shkurtë pas zgjedhjes së tij si kryetar i Kuvendit.
Gashi theksoi rolin e Parlamentit Evropian dhe të Delegacionit të BE në vend për mirarimin e Rregullores së re, si dhe bazë për efikasitet dhe lehtësim të procedurave në Kuvend.
Bahskëbiseduesit u përqëndruan edhe në rrumbullakësimin e procesit të formimit të trupave punues dhe të Grupeve ndërpartiake në Kuvend, pas konstituimit të përbërjes së re.
