100 gjoba në Shkup, 9 vozitës pa patentë shoferi

Sektori i Punëve të Brendshme Shkup edhe gjatë ditës së djeshme (22.07.2024) ka vazhduar me kontrolle në komunikacion, me çrrastë vetëm në territorin e qytetit të Shkupit janë shqiptuar gjithsej 100 gjoba, nga të cilat 9 për vozitje pa patentë shoferi, 42 masa për kundërvajtje nga drejtuesit e motoçikletave, gjashtë sanksione për vozitje nën ndikimin e alkoolit, tri masa për mospërdorim të rripit të sigurisë.

“Kontrollet e trafikut do të vazhdojnë edhe në ditët në vijim. Apelojmë tek qytetarët që të respektojnë rregullat e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta”, thonë nga MPB.