Vdiq biznesmeni nga Shkupi i cili u gjet me plagë të rënda (Emri)

Biznesmeni Çedo Radomiroviq, i njohur edhe si Çedo Rado, ka ndërruar jetë sonte në spital, njoftoi TV21.

Ai u gjet me plagë të rënda rreth orës 19:00 në fshatin Orman, pranë depove të Ministrisë së Brendshme, pranë një automjeti “Lexus” të parkuar.

Siç transmeton lideri.mk, Radomiroviq ka dhënë shenja jete dhe me autoambulancë është transportuar në klinikën e Shkupit, ku më pas u ka nënshtruar plagëve të marra.

Në vendngjarje vijojnë hetimet dhe jozyrtarisht është gjetur një armë.

Radomiroviq ishte pronar i kompanisë “Tehnocom” dhe themelues i “Rado banka”./Lideri