Trashëgimia kulturore në Ohër, ekspertët kërkojnë promovim më të madh

Duke promovuar trashëgiminë kulturore përmes turizmit, ne krijojmë një markë me të cilën jemi të njohur në botë. Njerëzit që vijnë për turizëm apo për kërkime shkencore në vendin tonë, kërkojnë vende unike, vende ku mund të ëndërrojnë së bashku në Ohër dhe vendi i ka me bollëk. Prandaj, ai kapital duhet të jetë një mjet përmes të cilit mund të arrijmë përfitime të mëdha ekonomike, por edhe të forcojmë identitetin tonë.

“Identitet do të thotë paranjohshmëri dhe njohje në botë dhe atraktivitet. Kështu që turistët vijnë për të. Nëse e mbajmë atë identitet, brend, trashëgimi sipas të gjitha standardeve botërore, atëherë ne ecim përpara.”, – deklaroi prof. dr. Sasho Korunoski nga Fakulteti për Turizëm dhe Hotelieri – Ohër.

Qëndrim të ngjashëm me publikun shkencor kanë edhe diplomatët, të cilët konsiderojnë se si vend jemi të detyruar ta ndajmë trashëgiminë tonë kulturore me botën.

“Maqedonia është brend botëror në trashëgiminë kulturore dhe të gjitha potencialet janë të pakufizuara dhe ne duhet të prezantojmë veten në atë mënyrë, sepse mund të konkurrojmë me qendrat më të mëdha botërore në fushën e trashëgimisë kulturore, në fushën e pasurisë arkeologjike dhe etnologjike të maqedonasve, popullit dhe shtetit tonë maqedonas.”, – theksoi ambasadori, Luben Tevdoski.

“Ohri është një nga qendrat e qytetërimit botëror, jo vetëm të historisë së Maqedonisë dhe të Ballkanit, do të kontribuojë në sfidën, interesimin për Ohrin dhe zgjimin përgjatë gjithë meridianëve.”, – u shpreh ambasadori, Jordan Plevnesh.

Diplomatët thonë se Ohri është edhe qendra e humanizmit botëror, themeluesi i të cilit është Shën Klimenti i Ohrit dhe kjo është arsyeja pse më shumë turistë vijnë për të parë këtë perlë kulturore dhe shpirtërore./TVM2