Ndryshimet klimatike, zjarret pyjore kërcënojnë kontinentet

Nuk kursehen as Evropa, SHBA- të Australia, Kanadaja dhe Rusia. Programi për të mbrojtur Amazonin që cilësohet si mushkëritë e botës, vuri në dukje se ndryshimi i klimës po kontribuon në zjarret më të shpeshta të pyjeve, të cilat prekin gjithashtu zonat që nuk konsideroheshin rajone të rrezikuara nga zjarri në të kaluarën.

“Sot kemi njerëz që nuk besojnë se shpyllëzimi është i dëmshëm për planetin tokë. Ka edhe njerëz që nuk e marrin seriozisht se çfarë do të thotë të ruash pyjet dhe cilësinë e jetës. Nga kjo shtëpi e madhe, që është planeti ynë, nuk kemi ku të ikim”, u shpreh presidenti i Brazilit, Luis Inacio Lula Da Silva.

Për shkak të vështirësisë për t’u përballur me flakët, Guatemala shpalli një fatkeqësi natyrore këtë javë.

“Këshilli i Ministrave vendosi të marrë një vendim për situatën katastrofike të territorit kombëtar në bazë të monitorimit të zjarreve. Është e rëndësishme të theksohet se situata aktuale nuk është aksidentale, 80% e zjarreve shkaktohen qëllimisht”, theksoi presidenti i Guatemalës, Bernardo Arevalo.

Në BE vitin e kaluar u dogjën mbi 504 mijë hektarë tokë. Flakët kanë qenë më të forta gjatë verës dhe kanë prekur më së shumti detin Mesdhe. Komisioni Evropian publikoi rekomandime për ndërtimin e elasticitetit dhe menaxhimin efektiv të rreziqeve klimatike.

Shtetet anëtare duhet të mbrojnë qytetarët nga pasojat e ndryshimeve klimatike, vendosi javën e kaluar gjykata më e lartë evropiane për të drejtat e njeriut pas padive nga aktivistët dhe shoqatat e qytetarëve.

“Gjykata njohu të drejtën tonë themelore për një klimë të shëndetshme. Duhet të merren masa ambicioze për të mbrojtur shëndetin tonë dhe për të mbrojtur të ardhmen e të gjithëve”, u shpreh gruaja  e moshuar zvicerane për mbrojtjen e klimës An Marer.

“Qeveritë tona në Evropë duhet të veprojnë menjëherë për këtij gjykimi”, theksoi aktivistja portugeze e klimës, Katarina Mota.

“Gjykata pranoi se kriza klimatike përbën një kërcënim ekzistencial për njerëzit e të gjitha moshave”, u shpreh prokurori i lartë i rrjetit global të veprimit Geri  Liston.

Nga Kombet e Bashkuara  thonë se njerëzimit i kanë mbetur edhe dy vjet për të shpëtuar botën dhe nevojiten ndryshime dramatike në emetimin e gazrave që shkaktojnë efektin e kopshtit qelqor.