Mickoski porosi VLEN-it: Duam koalicion me ju, por duam edhe ta respektojmë njëri-tjetrin, shqiptarë e maqedonas

Lideri i VMRO-DPMNE-së, Hristijan Mickoski ka bërë thirrje deri te koalicioni opozitar shqiptar për bashkëpunim, transmeton TV21.

Kjo siç thotë lideri opozitar maqedonas, për një shtet të sistemit ku të gjithë komunitetet do të kenë privilegje dhe përgjegjësi të njëjta.

“Duam të koalicionojmë me ju, por edhe të respektohemi si shokë dhe bashkëqytetarë. Edhe maqedonasit, edhe shqiptarët dhe të gjithë të tjerët i kanë problemet dhe sfidat e njëjta. Edhe bijtë dhe bijat e juaja shpërngulen. Të punojmë bashkë për shtet të sistemit, ku të gjithë do të kenë privilegje dhe përgjegjësi të njëjta”, tha Mickoski.