Bastisje në Kavadar, konfiskohen armë – arrestohen dy persona

MPB Maqedoni njofton se dje (18.03.2024), në ora 19:00, zyrtarët policorë të Departamentit për Trafikim të Paligjshëm të Drogave dhe Armëve pranë DPB Kavadar kanë privuar nga liria Z.P.(56) dhe B.P.(33) nga fshati Sirkovo i Kavadarit.

Siç njoftojnë nga MPB, gjatë kontrollit në banesën e tyre familjare, të kryer me urdhër të Gjykatës Themelore të Kavadarit, tek Z.P. u gjetën dhe sekuestruan dy pushkë ajri, një pistoletë sinjalizuese, disa fishekë sinjalizues, disa gëzhoja, një kuti me fishekë dhe pluhur, si dhe mjete për prodhimin e municioneve.

“Personat janë ndaluar në komisariat, është njoftuar prokurori publik dhe pas dokumentimit të ngjarjes ndaj tyre do të ngrihet padi përkatëse”, thonë nga MPB.