Episodi i 3-të, INFORMALE, Xhevdet Jashari me fjalë të mëdha për Bujar Osmanin

Xhevdet Jashari, aktori me nam jo vetëm në trojet shqipfolëse por edhe gjetiu, ka qenë mysafiri i radhës i podkastit INFORMALE. Jashari me ministrin e Jashtëm Osmani kanë trajtuar tema nga përditshmëria dhe profesionet me të cilat merren. Meqë ministri Osmani është edhe kandidat për kryetar të shtetit, Jashari ka komplimentuar veprimtarinë e deritanishme politike të kryediplomatit.

“Asnjëherë nuk mund të të lavdëroj dikush që nuk është i lavdrueshëm. Asnjëherë nuk mund të vlerësoje dikush që nuk është i vlerësueshëm. Kam respekt shumë të veçant për ju, edhe si doktor edhe si politikan. Ju kam ndjek. Ke qenë shumë i kujdesshëm.

Përkushtimi në profesion është gjëja më e rëndësishme. Kur je i suksesshëm në profesion nuk mund të ju bëjnë asgjë në jetë. Atë që ta ka dhënë Zoti ti e ke shfrytëzuar për të mirë”, ka thënë mes tjerash në bashkëbisedim me Osmanin Jashari.