Sinani: Shqiptarët duan ndryshimin dhe unë po e ndihmoj, Ahmeti në pension
Profesori universitar dhe analisti politik, Arsim Sinani, theksoi për Euronews se pas 23 viteve të BDI-së në pushtet ka ardhur koha që të ndodh ndryshimi dhe që ti hapet rruga një brezi tjetër të politikanëve.
“23 vjet në pushtet dhe ka ardhur koha që ti hapin rrugë një brezi tjetër të ri. Ali Ahmeti, Bujar Osmani dhe ekipii tij nuk kanë se çfarë u thonë shqiptarëve të Maqedonisë. Dalja e Osmanit si kandidat për president është jo për të fitu, por për të amortizu humbjen e vet që do ta kenë”, theksoi Sinani.
Ai thotë se partitë shqiptare duhet të dalin me një program të qartë që të lëvizin shqiptarët përpara. Në këtë kontekst ai tha se këtë duhet ta bëj opozita shqiptare VLEN.
“Ne nuk kemi parë deri tani ndonjë program të partive shqiptare, ky është shqetësimi që e kam. por të mos shohim vetëm këtë frymë të krijuar, disponim, por do të shohim premtim dhe program se kah do të lëvizin shqiptarët gjatë qeverisjes së ardhshme. Gjeneratori i krizës është Kushtetuta që duhet të hapet dhe të ndryshoj, ku shqiptarët aty të vendoseshin si themeltar me përgjegjësitë e tyre, të ridefinohet pozicioni i tyre. Tre pozicionet shtetërore të ndahen në mënyrë që presidenti ose kryeministri ti takojnë shqiptarëve, si dhe të ndodhl marrëveshja historike që Maqedonia të rirregullohet si shtet funksional ku shqiptarët jo të jenë simbolikë, por të jenë në qendër duke ndarë pushtetin me maqedonasin dhe të jenë të barabartë në vend”, deklaroi Sinani.
I pyetur se a do të jetë pjesë e listave për deputetë, ai theksoi se nëse i kërkohet përgjegjësi do të jetë në fushëbetejë për ta dërgu Ali Ahmetin në pension.
“Unë nuk bëj dhe s’kam bërë kalkulime. Për mua është me rëndësi procesi që të krijohet një elitë politike e përgjegjëshme që u shërben qytetarëve. Nëse kërkohet që të jem në fushëbetejë, jam i gatshëm që ta dërgoj Ali Ahmetin në pension. Shqiptarët duan ndryshimin dhe unë po e ndihmoj. Unë e mbështes publikisht këtë ndryshim që po vjen në Maqedoni me VLEN”, deklaroi profesori universitar, Arsim Sinani në intervistën me Thimi Samarxhi në Euronews.
