Kush janë emrat nga VMRO-DPMNE për ministra të Qeverisë teknike

Ditët e fundit u bë e qartë se VMRO-DPMNE do të marrë pjesë në Qeverinë teknike që do të jetë përgjegjëse për zhvillimin e zgjedhjeve.

Vendimi tashmë disa herë është bërë i ditur nga kryetari i partisë, Hristijan Mickoski dhe nga zyrtarë të lartë të partisë dhe pritet vetëm konfirmimi formal përmes organeve partiake.Qeveria Teknike formohet njëqind ditë para zgjedhjeve, në këtë rast më 28 janar, dhe VMRO-DPMNE ka dy poste ministrore (për punë të brendshme dhe punë dhe politikë sociale) si dhe tre zëvendësministra shtesë (për bujqësi, financa dhe shoqëria informatike dhe administratë).

Ndonëse tani në opinion shumë pak flitet se kush nga VMRO-DPMNE do të ulet në postet ministrore dhe zëvendësministrore, ende qarkullojnë informacione të caktuara lidhur me vendimet.

Në Ministrinë e Punëve të Brendshme me gjasë do të ulet Naqe Çulev, i cili më herët e mbante këtë post në qeverinë teknike në zgjedhjet e vitit 2020.

Dhe tani, si atëherë, në të njëjtën pozitë është i përfolur Dragan Kovacki, i cili atëherë nuk e mori VMRO-DPMNE-në sepse nuk ishte civil, pra ishte pjesë e Ushtrisë, por tani është deputet dhe një pengesë e tillë është hequr.

Për politikën e punës dhe sociale, përmendet emri i bashkëpunëtores së ngushtë të Mickoskit, Gordana Dimitrievska Koçovska, ndonëse vetë Mickoski në një intervistë për shërbimin publik i ka mohuar këto pretendime.

Përveç saj, për pozitën e ministres së Punës dhe Politikës Sociale, figurojnë emrat e deputetes Rashela Mizrahi dhe kryetares së Unionit të Grave, Zhaklina Peshevska.

Tani për tani enigma më e madhe janë ata që duhet të bëhen zëvendësministra shtesë, por ajo që vjen si informacion nga kanale të caktuara nga VMRO-DPMNE është se në ato pozita do të ketë persona me përvojë që deri më tani nuk janë deklaruar publikisht.

Ata do të propozojnë ministra, por nuk do ta votojnë Qeverinë.

Sipas qëndrimit aktual të partisë, deputetët e VMRO-DPMNE-së nuk do të votojnë për zgjedhjen e Qeverisë, ndonëse në të do të marrin pjesë pesë anëtarë të propozuar nga VMRO-DPMNE.

Një veprim i tillë për faktin se ata nuk duan ta përkrahin kryeministrin teknik Talat Xhaferi dhe konsiderojnë se propozimi për emërimin e tij është në kundërshtim me ligjet.

VMRO-DPMNE-ja javën e ardhshme, përmes autoriteteve partiake, fillimisht duhet të marrë vendim nëse do të marrë pjesë në qeverinë teknike, e më pas të vendosë se kush do të bëhet pjesë e asaj qeverie.

Në të njëjtën periudhë LSDM do të marrë edhe vendim, pas së cilës, siç ka paralajmëruar kryeministri dhe kryetari i LSDM-së, Dimitar Kovaçevski, do të takohet me Mickoskin, në takim që, siç tha ai, nuk do të shpallet përmes mediave.

Zgjedhjet për deputetë në Kuvend janë caktuar më 8 maj 2024, kur do të mbahet edhe raundi i dytë i zgjedhjeve presidenciale.