Macron: Tensionet në Kosovë janë qetësuar pak, nuk shqetësohem për rifillim të konfliktit

Presidenti i Francës, Emmanuel Macron, gjatë qëndrimit të tij në Lozanë, ka takuar presidentin e Konfederatës Zvicerane, Alain Berset.
Në një takim që dyshja zhvilluan me studentë të Universitetit të Lozanës (UNIL), mes shumë temave, u fol edhe për Kosovën, sipas “24heures”.

Nga audienca, Macroni pati një pyetje për tensionet në vendin tonë.

“Janë qetësuar paksa tani”, tha ai, raporton Klankosova.

Ai tha se shpreson që liderët e dy vendeve, Kurti dhe Vuçiqi, të pranojnë planin e hartuar.

Megjithatë, presidenti francez frikësohet për konflikte ndëretnike që po zhvillohen nëpër pjesë të ndryshme të botës.

“Jam i shqetësuar, por nuk jam i shqetësuar për rifillimin e konfliktit në Kosovë”, deklaroi Macroni.