Komandanti i Njësisë Speciale të Kosovës: I pamë djajtë duke rënë e duke qarë

Komandanti i Njësisë Speciale të Kosovës, Besart Ahmeti pas sulmit në veri të Kosovës, është shprehur se ndjehet krenar për të gjithë ata që morën pjesë në aksionin e së dielës në fshatin Banjskë, të Zveçanit.

Ahmeti ka reaguar ndaj disa deklaratave, të cilat i quajti gënjeshtra.

“Krenarë për djemtë, pamë djajtë në sy, i pamë të binin, duke qarë dhe duke vrapuar, më vjen keq për ata që nuk e kanë idenë se çfarë ka ndodhur dhe duke thënë gënjeshtra sikur ishin aty”, ka shkruar Ahmeti.