Vuçiqit nuk i kalon inati që policia e Kosovës ia zhveshi djalin: Djali im u ka thënë policëve ‘Babi im është president i juaj’

Presidenti serb, Aleksandar Vuçiq, ka pretenduar se policët në Kosovë i “kanë drejtuar armët djalit të tij Danillos, i cili mori pjesë në festën e Vidovdanit në Graçanicë, duke kërkuar që ai të hiqte me çdo kusht bluzën me mesazhin “Dorëzimi nuk është opsion”, gjë që ai nuk e bëri.

Vuçiq ka shkruar në Instagram pak pas mesnate se për atë që ka ndodhur në Kosovë “e ka marrë vesh vetëm atëherë”.
“Vetëm tani mora vesh se çfarë ka ndodhur në Kosovë. Herën e fundit që ndaluan Danillon, jo larg Podujevës, policia shqiptare i kërkoi me çdo kusht të hiqte bluzën ku shkruhej “Dorëzimi nuk është opsion”. Danillo nuk ka pranuar dhe më pas i kanë drejtuar armët dhe e kanë pyetur – “Emri i babait?” Ai u përgjigj: “Aleksandar! Ky është babai im dhe presidenti yt!”. Bluza e tij nuk ishte hequr, fytyra e tij nuk ishte njollosur. Dorëzimi nuk është një opsion”, ka shkruar Vuçiqi.