Lirohen tre policët e kidnapuar nga Serbia

Janë liruar tre policët të cilët janë rrëmbyer nga Serbia.

Kështu kanë bërë të ditur burime të Kohës.

Rifat Zeka, Beqir Sefi dhe Mustafë Shemi ishin kidnapuar më 14 qershor të këtij viti. Institucionet kanë bërë të ditur se ata ishin kapur brenda territorit të Kosovës nga njësi speciale serbe. Për lirimin e tyre kanë bërë thirrje Bashkimi Evropian dhe Shtetet e Bashkuara të Amerikës (SHBA).

Ata ishin kidnapuar pranë një tryeze të improvizuar ku po ushqeheshin. Kidnapimi ishte konsideruar akt agresioni i kryer nga Serbia.

Ministri i Punëve të Jashtme të Hungarisë, Peter Szijjarto ka thënë se presidenti serb, Aleksandar Vuçiq e ka informuar kryeministrin Viktor Orban për lirimin e policëve.