Shtetasi i Maqedonisë fillimisht ia “vodhi” zemrën një femre nga Austria, pastaj ia vodhi 130 mijë euro

Një ngjarje interesante dhe jo shumë e zakonshme ka ndodhur gjatë një udhëtimi me tren në tetor 2020, kur një grua austriake nga Salzburgu e moshës 49 vjeçe medoi se takoi dashurinë e saj të madhe, një shtetas të Maqedonisë së Veriut, rreth moshës 30 vjeç. Në atë kohë, banorja e Salzburgut nuk e kishte idenë se i riu së shpejti do të rezultonte një mashtrues dashurie, përcjell albinfo.ch.

Thuhet se ajo i ka transferuar “dashnorit” të saj rreth 130 mijë euro, i cili është shtirur për urgjenca të shumta, si sëmundje, shpenzime funerali, para për apartamente dhe probleme me policinë.

Po ashtu raportohet se 30-vjeçari u shfaq në adresën e shtëpisë së gruas së Salzburgut dymbëdhjetë herë për të marrë para prej saj.

Në fillim të qershorit 2021, gruaja nga Salzburgu filloi dyshimet e saj dhe njëkohësisht edhe frikën. Megjithatë, autori përdori kërcënime me vdekje për ta nxitur gruan që të vazhdonte t’i dërgonte para, shkruan krone.at.

Në shtator të vitit të kaluar, gruaja nga Salzburgu më në fund e denoncoi shantazhuesin e saj.

Tashmë janë identifikuar dy shtetasit e Maqedonisë së Veriut dhe dhjetë autorë të tjerë. Të gjithë autorët raportohen në prokurorinë publike të Salzburgut për mashtrim të rëndë tregtar dhe autorët kryesorë gjithashtu për shantazh të rëndë.