Tërmet i ri në Turqi, rrezik për shembje të disa ndërtesave dhe minareve të xhamive

Türkiye, tërmet 4.7 ballë në Malatya, rrezik për shembjen e disa ndërtesave

Pas tërmetit në qendër të Malatya-s, disa ndërtesa dhe minare të xhamive në qytet ishin në rrezik për të shembur

Ankara/Malatya

Një tërmet me magnitudë 4.7 ballë sipas shkallës së Rihterit u regjistrua sot në qarkun Yesilyurt në Malatya të Türkiye-s, raporton Anadolu.

Agjencia e Menaxhimit të Fatkeqësive dhe Emergjencave (AFAD) njoftoi se tërmeti u regjistrua në orën 15:04 sipas kohës lokale.

Epiqendra e tërmetit ishte në Yesilyurt në Malatya. Është regjistruar në një thellësi prej shtatë kilometrash.

Pas tërmetit në qendër të Malatya-s, disa ndërtesa dhe minare të xhamive në qytet ishin në rrezik për të shembur.

Një ndërtesë katërkatëshe në rrugën “Fuzuli”, e cila u dëmtua dhe u evakuua pas tërmetit me qendër në Kahramanmaraş, është anuar pas tërmetit të sotëm.

Ekipet e policisë mbyllën rrugën për trafikun dhe këmbësorët.