Kumanova për një gjysëm vjetor mbetet me 235 nxënës më pak

Nga fillimi i vitit shkollor, deri sot, nga shkollat ​​fillore të Kumanovës janë çregjistruar 201 nxënës nga shkollat fillore dhe 34 nga shkollat ​​e mesme, njoftoi sot drejtoria komunale e arsimit.

Në shkollat ​​fillore të Kumanovës janë gjithsej 10.097 nxënës dhe në shkollat ​​e mesme 4.126.

“Në vitin shkollor 2022/2023 në shkollat ​​fillore komunale me gjendjen deri më 02.02.2023 janë çregjistruar gjithsej 201 nxënës nga gjithsej 10.097 nxënës të regjistruar. Nga nxënësit e çregjistruar 37 nxënës janë çregjistruar për shkak të shpërnguljes në komunë tjetër në Republikën e Maqedonisë dhe 164 nxënës janë çregjistruar për shkak të shpërnguljes në shtetin tjetër”.

“Në vitin shkollor 2022/2023 në shkollat ​​e mesme komunale deri më 02.02.2023 janë çregjistruar gjithsej 34 nxënës. Nga 4126 nxënës të regjistruar, 16 janë çregjistruar për shkak të shpërnguljes në komunë tjetër në Republikën e Maqedonisë së Veriut, ndërsa 185 nxënës janë çregjistruar për shkak të shpërnguljes në shtet tjetër”, njoftuan nga Departamenti i Arsimit në Komunën e Kumanovës.

Vitin e kaluar situata ka qenë edhe më e rëndë, pasi sipas të dhënave, shkonën fillore e kanë braktisur 220 nxënës, të mesme 60 nxënës. Kumanova megjithatë është komuna më e madhe në vend me 10 mijë nxënës dhe 4.500 gjimnazistë.