Ministria e Drejtësisë për rastin e Mijallkovit: Të gjithë ata që kanë bërë lëshime do të ndëshkohen

Ministria e Drejtësisë njofton se do të ndërmerren të gjitha aktivitetet dhe do të bëhet vëzhgim i jashtëzakonshëm në burgun e Strugës për të konstatuar gjendjen aktuale rreth mosardhjes së Sasho Mijallkovit në gjykatë.

“Administrata për Ekzekutimin e Sanksioneve do të përcaktojë përgjegjësinë dhe të gjithë ata që kanë bërë lëshime, të qëllimshme apo të paqëllimta, do të ndëshkohen. Publiku do të informohet më tej për vëzhgimin e jashtëzakonshëm”, njoftojnë nga Ministria e Drejtësisë. Pravda.

Është shtyrë sot seanca e caktuar për rastin “Titanik 2”, në të cilën akuzohet ish-kreu i DSK-së. Arsyeja për këtë është se Mijallkov nuk është arrestuar nga burgun e Strugës, ku po vuan dënimin me burg për “Perandoria” pas lidhjes së marrëveshjes.

Rasti “Titanik 2”, ku në mesin e të pandehurve përveç Mijallkovit, edhe kreu i PDSH-së Menduh Thaçi dhe katër ish-anëtarë të Komisionit Shtetëror të Zgjedhjeve, është kthyer për rigjykim në Gjykatën Themelore Penale, pasi Apeli e anuloi aktgjykimet e shkallës së parë.

Me aktgjykimin e shkallës së parë, Mijallkov u dënua me 3 vjet burg, ndërsa Menduh Thaçi me 3 vjet e 2 muaj.