Ibrahimi: Alternativa nuk brengoset, Është çështje e ASh-së nëse dëshiron ta kompensojë “grupin e zjarrit” nga BDI

Zeqirija Ibrahimi nga Alternativa thotë se çështja e inkuadrimit të Aleancës për Shqiptarët në Qeveri nuk e brengos Alternativën. Ibrahimi tha se vendimi i takon ASH-së, por që e vetmja parti që nuk ka deputetë stabil është BDI.
“Kjo Qeveri funksionon me numrat e njëjtë që ka funksionuar vitin e kaluar në këtë kohë.

I ka numrat që e përbëjnë shumicën stabile, e vetmja parti të cilës i luhatën ato numra është BDI për shkak të ashtuquajturit “grupi i zjarrit”, i cili mund të largohet, nëse ASH hyn që ta kompensojë humbjen e këtij numri të BDI, është çështje e tyre, ne nuk mund të ndërhyjmë”, tha mes tjerash Zeqirija Ibrahimi, sekretar i Alternativa.