MPB: Po punohet intenzivisht për zbardhjen e aksidentit në komunikacion para Qeverisë

MPB njofton se në koordinim me Prokurorinë Publike po punohet intenzivisht për zbardhjen e rastit dhe përcaktimin e shkaqeve të aksidentit në komunikacion para Qeverisë.

“Aksidenti është raportuar në Prokurorinë Publike dhe Departamentin e Kontrollit të Brendshëm, hetimet penale dhe standardet profesionale dhe janë marrë të gjitha masat e nevojshme për zbardhjen e rastit: testim alkooli, video nga kamerat e sigurisë, deklarata të dëshmitarëve etj.

Rasti do të zbardhet sa më shpejt dhe opinioni do të informohet në kohë”, thonë në MPB.

Nga aksidenti kanë mbetur të lënduar lehtë dy persona, ndërsa në njërën nga veturat kanë qenë të pranishëm edhe ministrat Fatmir Besimi dhe Kreshnik Bekteshi.