Peleshi: Mirënjohje për të gjithë njerëzit që e krijuan dhe i dhanë jetë një force moderne

Në 109-vjetorin e Forcave të Armatosura, ministri i Mbrojtjes së Shqipërisë, Niko Peleshi është shprehur mirënjohës për të gjithë ata që krijuan dhe i dhanë jetë një force moderne.

Peleshi bashkë me shkrimin ka shpërndarë dhe një video të forcave.

“Sot, 109 vjetori i Forcave të Armatosura – mirënjohje për të gjithë njerëzit që e krijuan dhe i dhanë jetë një force moderne. Sot përkrah NATO, aleancës më të madhe politike dhe ushtarake në botë. 🇦🇱 GËZUAR!”, ka shkruar Peleshi.

Për nder të 109-vjetorit, ministri Peleshi ka pranuar dhe një letër urimi nga homologu i tij kosovar, Armend Mehaj.

Mehaj derisa ka folur për Forcat e Armatosura, ka thënë se, “Prandaj, sukseset tuaja si gjithmonë jane edhe suksese tona. Suksese të përbashkëta që do të forcohen edhe më në misione të përbashkëta , përkrah aleatit tonë të pazëvendësueshëm, Shteteve të Bashkuara të Amerikës dhe aleatëve tjerë. Urime Dita e Forcave të Armatosura me kujtimin dhe nderimin për të gjithë bijtë e bijat e kombit tonë që derdhën gjak e djersë për të mundësuar krijimin e shtetit, ushtrisë kombëtare shqiptare, si dhe ruajtur vazhdimësinë dhe forcimin e tyre për 109 vjet”.