Veljanovski: LSDM dhe BDI janë fajtorët e vetëm për tragjedinë në Tetovë

Deputeti i OBRM-PDUKM-së Aleksandar Veljanovski, i ka akuzuar për papërgjegjshmëri LSDM-në dhe BDI-në në lidhje me tragjedinë në Tetovë.

Ai thotë se në vend të dorëheqjeve morale dhe hetimit të paanshëm, LSDM dhe BDI akuzohen ndërmjet vete kush ta merr fajin, për 14 jetët e humbura.

“Zoran Zaev publikisht pranoi se spitali modular në Tetovë është ndërtuar pa leje ndërtimi dhe pa statikat e nevojshme, të cilat nevojiten për të gjitha objektet normale. Për ta bërë turpin dhe absurditetin edhe më të madh, Zoran Zaev krahasoi spitalin montues në Tetovë, me ndërtimin e tarracave dhe kafeneve verore”.

“Një deklaratë e tillë skandaloze e Zaevit është rrëfim i qartë me të cilin ai duhet të ishte thirrur tani në Prokurorinë Publike, sepse sipas asaj që ai tha, ka qenë vetëm çështje kohe kur do të ndodhte aksident me spitalin në Tetovë.

Kujtojmë, për momentin janë 18 më modulare të ndërtuara me të njëjtin parim me të njëjtat materiale që padyshim që janë një bombë me sahat dhe një rrezik potencial për pacientët”, thotë Veljanovski.

Ai në fund tha se të vetmit fajtorë për tragjedinë në spitalin modular në Tetovë janë partnerët e pushtetit, LSDM dhe BDI.