Milloshovski: Talat Xhaferit më shumë po i dhimbset Filipçja se viktimat e zjarrit në Tetovë
Deputeti Antonio Milloshoski në mënyrë indirekte e ka akuzuar kryeparlamentarin Talat Xhaferi se më shumë po e mbron ministrin e Shëndetësisë, Venko Filipçe se sa po punon për daljen e të vërtetës në shesh për zjarrin tragjik në Tetovë.
Milloshovski këto kritika i ka bë në Kuvend, dhe ia ka drejtuar ndaj Xhaferit për shkak të refuzimit të këtij të dytit për të vendosur dorëheqjen e Filipçes në rend dite të Kuvendit.
“E ftoj zotëri Xhaferin që të japë shembull personal se për këtë çështje senzitive ka vetëdije më të lartë se kryeministri”, deklaroi Milloshovski.
Dorëheqjet e Filipçes dhe Hasanit i janë dorëzuar kryeministrit dhe janë arkivuar
Ndërkohë dorëheqjet e ministrit të Shëndetësisë, Venko Filipçe dhe zëvendësit të tij Ilir Hasani i janë dorëzuar kyeministrit dhe janë arkivuar. Përmbajtja e dorëheqjeve nuk devijon nga ajo që të dy e kanë ndarë tashmë publikisht, deklaroi zëdhënësi i qeverisë Dushko Arsovski në konferencën e sotme për shtyp.
Kryeministri, tha Arsovski, tashmë ka shpjeguar se vlerësimi dhe vendimi në lidhje me dorëheqjet e paraqitura do të bazohen ekskluzivisht në faktet e kërkimit, në përputhje me shkaqet e përcaktuara për shpërthimin e zjarrit në spitalin modular në Tetovë.
“Pritjet janë që të ndodhë në periudhën e ardhshme. Kryeministri gjithashtu bëri thirrje për një hetim të shpejtë dhe rrënjësor”, tha Arsovski.
Ekspertët gjermanë, theksoi Arsovski, pritet të mbërrijnë këto ditë dhe do të jenë pjesë e hetimeve të mëtejshme.
“Organet hetimore janë të pavarura nga pushteti ekzekutiv. Ne, si Qeveri, i presim ato të dhëna dhe apelojmë për një hetim më të shpejtë dhe zbardhjen e rastit”, deklaroi Arsovski, duke u përgjigjur pyetjes së gazetarëve, se deri ku është hetimi në terren.
I pyetur pse u ndal ndërtimi i tre spitaleve modulare në Shkup, Arsovski tha se ai nuk kishte një informacion të tillë dhe do të duhej ta verifikonte këtë.
“Ajo që është e rëndësishme është që këto spitale të jenë të sigurta dhe që të rrisin kapacitetin e reparteve infektive. Ata ishin dhe janë një mbështetje e madhe për sistemin shëndetësor në një krizë të tillë. Ky sistem mbështetës aplikohet në të gjithë botën në kushtet pandemie”, tha Arsovski.
Pacientët, theksoi ai, aktualisht janë të shtruar në kovid repartet modulare në spitalet në Gjevgjeli, Kërçovë, Shtip, Kumanovë, Strugë, Gostivar, Prilep, Ohër, Veles, Kavadar, Strumicë dhe në Klinikën në Shkup.
