Haradinaj: Jam i vetmi kandidat për kryeministër që mund ta anëtarësoj Kosovën më shpejt në NATO
Kosovo’s Prime Minister Ramush Haradinaj talks during an interview withe Reuters in Pristina, Kosovo, October 16, 2017. REUTERS/Hazir reka
Kandidati i koalicionit AAK-Nisma me partnerë, Ramush Haradinaj, gjatë tubimit zgjedhor të mbajtur në Kaçanik ka thënë se shumica e njerëzve të listës së tyre janë luftëtarë për zhvillimin e arsimit, shëndetësisë, pensionistët e kategoritë e lirisë.
Haradinaj tha se nuk ka asnjë subjekt tjetër politik që garon në këto zgjedhje me kandidat për kryeministër nga UÇK-ja.
“Kategoritë e lirisë, nuk ka subjekt politik tjetër që garon me kandidat për kryeministër nga UÇK-ja. Jo për lavd, jam luftëtar, jam i plaguar, jam familje dëshmori. S’ka as parti tjetër që e ka numrin dy UÇK”.
“Nëse e votoni numrin 137, nuk është asnjë kandidat për kryeministër që mundet më shpejt e më mirë e më sigurt që ta fus Kosovën në NATO. Jam i vetmi kandidat për kryeministër që e ka zgjedhur me kohë, por jo pa arsye. Unë tash e 6 vjet punoj që ta anëtarësoj Kosovën në NATO”, tha Haradinaj, njofton Klankosova.tv.
Më tej, ai tha se NATO është siguri për vendin, dhe sipas tij, anëtarësimi i Kosovës në Aleancën Veriatlantike do të nënkuptonte sigurimin e varreve por edhe të atyre që s’kanë lindur akoma.
