SHBA: Trupat e Koresë së Veriut po vriten duke luftuar kundër Ukrainës

Trupat e Koresë së Veriut janë vrarë duke luftuar me forcat ukrainase në rajonin kufitar Kursk të Rusisë, ka deklaruar SHBA.

Këto janë viktimat e para të raportuara që kur u zbulua në tetor se Koreja e Veriut kishte dërguar rreth 10,000 trupa për të përforcuar përpjekjet luftarake të Rusisë, shkruan BBC.

Agjencia e inteligjencës ushtarake e Ukrainës, GUR, tha se të paktën 30 trupa të Koresë së Veriut ishin vrarë ose plagosur në luftimet gjatë fundjavës.

Trupat e Koresë së Veriut – të cilët nuk kanë përvojë të mëparshme luftarake – besohet se i kanë kaluar javët e para në stërvitje në Rusi dhe më pas në role mbështetëse.

Ndërsa të shtunën, presidenti ukrainas Volodymyr Zelensky tha se rusët kishin filluar të përdorin një “numër të rëndësishëm” të koreano-veriorëve në sulmet e saj në Kursk.