Studentja e dalluar nga Çairi avancohet në pozitën Projekt Menaxhere në MEPSO

Melisa Konxheli nga Çairi i Shkupit, studente e dalluar, e diplomuar në Fakultetin e Inxhinierisë Elektrike dhe Shkencave Informatike në Shkup, avancohet në pozitën Projekt Menaxher në SHA MEPSO, njoftoi drejtori i kompanisë, Burim Latifi.

“Me kënaqësi të veçantë dua të informoj opinionin e gjërë që vazhdojmë me avancimin e kuadrove të ri, kësaj rradhe një femër, profesioniste e theksuar dhe maksimalisht e përkushtuar në punë. Jam mëse i bindur që do të jetë shumë e suksesshme në detyrën e re, e që është me shumë përgjegjësi në SHA MEPSO.

Si drejtor gjeneral i SHA MEPSO dhe njëkohësisht si profesor universitar, ripotencoj që kërkesa ime e vetme për Melisën është që punën ta kryej në mënyrë profesionale dhe me nder, pa asnjëlloj kushtëzimi politik ose partiak nga ana ime”, ka shkruar Latifi, transmeton Lideri.mk.

Ai në fund ka porositur se tanimë ka ardhur koha e meritokracisë, e profesionalizmit!