Erdogan: Urime fitoren mikut tim Trump, shpresoj se do të ndalet lufta në Ukrainë dhe Gaza

Presidenti turk Rexhep Tajip Erdogan përgëzoi mikun e tij, siç tha ai, Donald Trump për fitoren e zgjedhjeve presidenciale në SHBA pas një beteje të madhe.

“Unë besoj se do të bëhen më shumë përpjekje për një botë më të drejtë në këtë epokë të re që filloi me zgjedhjen e popullit amerikan,” tha Erdogan në Rrjetin X.

Presidenti turk shtoi se shpreson t’i japë fund konflikteve dhe krizave aktuale rajonale, në radhë të parë konfliktit midis Izraelit dhe Hamasit në Gaza dhe luftës midis Rusisë dhe Ukrainës.