July 23, 2024
Maqedoni

72 emigrantë nga Maqedonia dalin pozitiv me virus pasi kthehen në Itali

Ditët e fundit, në zonën e Trevisos, Itali, u përcaktua se një grup prej 72 pasagjerësh, të kthyer nga pushimet në Maqedoni, ishin pozitivë me koronavirus. Dy nga pacientët u shtruan në spital në kujdes intensiv, një grua 37-vjeçare dhe një burrë 48-vjeçar.

Zyrtarët shëndetësorë në rajon thonë se shumë nga të infektuarit janë anëtarë të familjeve ose të njohur që udhëtuan me të njëjtin autobus ose veturë pa përdorur mbrojtjen e duhur (maskat dhe mbajtjen e distancës), raportoi gazeta lokale.

Pas kthimit, shumë treguan simptoma tipike të sëmundjes, dhe testet e kontaktit të afërt konfirmuan përhapjen e infeksionit. Nuk ishte menjëherë e qartë se sa nga të infektuarit ishin vaksinuar.