Zyrtarë të BDI-së kontrabandë me makina, dyshohen për përfshirje dy doganier?
Sipas informacioneve të portalit Vecer.mk, zyrtarë të BDI-së kanë kryer kontrabandë të makinave duke e dëmtuar buxhetin e shtetit me qindra miliona euro. Duke u thirrur në burime në doganë, portali shkruan se bëhet fjalë për Kompaninë “SA”, pas së cilës qëndron Suad Alija, pronar i dyqaneve të mallrave shtëpiake “Homax”, i cili bashkëpunon me dy doganierët Mensur Curri dhe Besnik Osmani.
“Doganieri, në vend që t’i referohet vlerësimit të katalogut nga sistemi evropian, gjatë zhdoganimit deklaron se nuk ka klasifikim referues për një automjet të tillë dhe e zbaton zhdoganimin në bazë të faturës. Ajo faturë që pranon në kontratë me importuesin, Kompania ‘SA’ është e falsifikuar për një shumë dukshëm më të ulët. Në vend që të bëhet pagesa me transferim bankar, falsifikohet një dokument që tregon se makina është paguar me para në ‘cash’ ose është falsifikuar një transaksion tjetër pagese”, thuhet në publikimin e portalit Veçer.mk.
Burime doganore sqarojnë për “Veçer.mk” procesin në të cilin duhet të ketë importues, doganierë, por duhet të ketë edhe policë. Kur importojnë automjete luksoze, importuesi, në këtë rast kompania “SA” kontakton personat të doganës Mensur Curri dhe Besnik Osmani për të rënë dakord për të llogaritur një normë doganore dhe tatim më të ulët se vlera e katalogut të makinës, thuhet në publikimin e portalit.
“Doganieri i pranon dokumentet dhe e zhdoganon automjetin me çmim dukshëm më të ulët, duke e dëmtuar buxhetin e shtetit. Kjo skemë vlen për automjetet më të shtrenjta, luksoze ku diferenca në tarifat doganore është më e madhe dhe varion nga 10.000 deri në 30.000 euro për automjet. Për shembull, nëse duhet paguar një doganë prej 30,000 euro, ata pranojnë të paguajnë 5,000 euro në emër të taksës dhe detyrimit të importit, dhe pjesën tjetër e ndajnë. Automjetet luksoze importohen nga Kompania ‘SA’ dhe më pas rishiten në treg. Skema është zhvilluar nga doganierët Mensur Curri dhe Besnik Osmani, të cilët janë të afërt me administratën doganore, ku ende drejtor është Stefan Bogoev nga LSDM”, thuhet më tej në publikimin e portalit veçer.mk
Në dhjetor të vitit të kaluar u shkatërrua një tjetër kanal për kontrabandën e makinave luksoze.
