Zaev: LSDM-ja dhe Koalicioni në rrethin e parë do të fitojnë 22:6

Kundërshtari ynë politik do të fitojë në gjashtë komuna, do të marrë gjashtë kryetarë komune, ndërsa koalicioni i udhëhequr nga LSDM-ja do të ketë të paktën 22 kryetarë komunash në rrethin e parë ose 3.5 herë më shumë. Rezultati do të jetë 22:6 në rrethin e parë. Më dëgjoni me kujdes, jam mirë i informuar, tha lideri i LSDM-së dhe kryeministër, Zoran Zaev në tubimin e sontëm në Autokomandë.

Zaev theksoi se koha e VMRO-DPMNE-së përfundoi me luanë, dema dhe kërmij. Kjo, tha ai, është një kohë e bashkive moderne, moderne evropiane, e një shteti të zhvilluar evropian.

“Ndërtojmë një shtet, komuna, e dëgjojmë zërin e qytetarëve. Nuk është normale të vendosësh luanë, dema dhe kërmij, dhe të shesësh vlera konservative dhe ndershmëri të pretenduar pas së cilës fshihen orekset kriminale. Sot të gjithë janë të vendosur, VMRO-DPMNE përfundon me luanë, dema dhe kërmij. Këto janë kohë të njerëzve të gëzuar, pemë dhe parqe, bulevarde dhe rrugë të sigurta, buzëqeshje të fëmijëve në kopshte moderne, nxënës të motivuar në shkollat moderne, këto janë kohë të kulturës autentike urbane dhe komunave evropiane”, nënvizoi Zaev.

Duke u përqendruar në Gazi Babë, Zaev tha se kjo komunë është hyrja e Shkupit, përshtypja e parë e udhëtarëve dhe turistëve, dhe Autokomanda është një nga më të afërtat me qendrën e kryeqytetit.