VLEN: BDI i politizon të rinjtë shqiptarë, më pas i viktimizon

Përveç ministrit Toshkovski, pretendimin se një ish-kryetar i komunës nga radhët e BDI-së është i përfshirë në Incidentet e 28 Nëntorit e mbështet edhe koalicioni shqiptar në pushtet. VLEN thekson se për çdo ditë maskat e Bashkimit Demokratik për Integrim po bien njëra pas tjetrës.

“Gënjeshtrat dhe manipulimet e tyre të ndërtuara mbi 22 vite pushtet të korruptuar po çmontohen si kulla prej letre. Për 22 vjet kjo parti ka qeverisur duke mjegulluar opinionin me gënjeshtra e dezinofmata, gjë që po e bënë edhe nga roli i opozitës”, ka deklaruar Driton Sulejmani, zëdhënës i VLEN-it. Deklarate VLEN “Ajo që është më skandalozja, kjo parti për këto raste u mundua t’i keqpërdor të rinjtë shqiptarë dhe më pas t’i viktimizojë ato. Hetimet pleriminare policore po tregojnë se në këto ngjarje është i përfshirë një ish kryetar komune nga radhët e BDI-së. Opinioni për çdo ditë po e sheh fytyrën e vërtetë të BDI-së, ku u dëshmua edhe me demaskimin e rastit të djegies së objektit dhe disa veturave në Kumanovë, ku kryerësi u zbulua, njëherit familjarë i prokurorit publik Xhelal Bajrami”.