Taravari: Nga 15 korriku do të fillojnë me shpalosjen e emrave të kandidatëve, do të fitojmë në 10 komuna

Koalicioni opozitar ASH-AAA pret që në zgjedhjet lokale të fitojë deri në 10 komuna. Kështu ka thënë kryetari i Gostivarit, Arben Taravari në një intervistë për gazetën LAJM. Taravari që është edhe sekretari i Përgjithshëm i Aleancës për Shqiptarët, ka thënë se nga 15 korriku do të fillojnë me shpalosjen e emrave të kandidatëve.

Nga informacionet që kjo parti merr nga terreni, Taravari tha se ka shumë pakënaqësi tek qytetarët nga BDI-ja dhe kjo, sipas tij, do të reflektohet në zgjedhjet lokale kur opozita pret të shënojë fitore.