Skenderbeu shënon fitore të thellë dhe e mbyll stinorin si kampion vjeshtor! (VIDEO)

Skenderbeu shënon fitore të thellë dhe e mbyll stinorin si kampion vjeshtor! (VIDEO)

Skenderbeu sot ka shënuar një fitore të thellë, duke e vërtetuar se janë kampion vjeshtor me plotë meritë në Ligën futbollistike komunale të Tetovës, njofton Open-TV.

Porojasit shënuan fitore me rezultat tenisi prej 6-1 (pjesa e parë 2-0) ndaj Cetinkës në stadiumin e fshatit Poroj, në javën e 9-të, ose të fundit për sezonin vjeshtor.

Golat për vendësit i shënuan: Hekuran Sulejmani, Amir Osmani, Florjan Jonuzi, Qendrim Alili, Arianit Dauti dhe Ferat Rexhepi, kurse Lika nga penalltia për “mysafirët”.

Cetinska u përpoq por nuk ia doli që të ndal ekipin e disponuar të Skenderbeut.

Me këtë fitore, Skënderbeu shpallet kampion vjeshtor me 8 fitore dhe një barazim.

Në ndeshjet tjera u arritën këto rezultate: Rrufeja-Piroku 0-1, Sharri-Mërgimtari 2-1, Hajduk-Jehona 0-5 dhe Dardania-Besa 1-2. (Open-TV)